مسجون جان الوطن ونهرين اله جامعه
وجان الكنسيه تون ويهل دمع جامعه
لكن بقه بهيبته وكل البخت جامعه
من حيث رغم الجره ماجف يمد طلاب
ومامن ذلول غده فرس الوراه طلاب
من نار الي بكلبهم ركضوا على الطلاب
هلبت يموت الوطن من تنزف الجامعه
لالا مايموت غصبن عليهم حيه
والكصه تنكط عشك واجفوفه تنكت حيه
معزب وبابه فره للي يجهبه حيه
وشكد غميج الخلك جن خلك بحر القزم
والجبل ابد ماشكه من دغدغنه القزم
الطول مو بالعلو يصح طويل وقزم
ويصح كصير قزم بس كالجبل هامته
والدنيا لو مااكبلت ابدا ولا هامته
كحيل اصيل نزر ماتنخمد هامته
بطنج شتلنه العمر بلكت تعاود حيه